ho letto sul tuo Blog una dissertazione del caro amico Sierra sulla figura del capo. Io di capi nella
mia lunga vita lavorativa ne ho avuti tanti; alcuni bravi, umani e ben preparati, altri invece che si possono identificare nella seguente poesia che ho scritto per loro.CUMANDU IU !!!!!!!!
Nu giurnu, tutti li parti ti lu cuerpu,
fecira na riunioni pi vutari
a ci er'a fa' lu capu principali
e sobbr'a tutti l'atri cumandari.
Lu cori dissi: "Iu aggià fa' lu capu,
pircè so' mportanti veramenti,
ci mi fermu iu, muriti vui,
vicin'a mei no siti propria nienti !!!!"
Lu fecutu risposi: "Sontu iu lu chiù mportanti,
senza di mei vu no cuntati nienti:
ci a unu com'a mei no li va nghizza,
viti ca scoppia gialla n'altirizia !!!"
La stessa cosa dissira li recchi,
lu nasu, cannanoci, pieti e uecchi;
quandu s'azau all'impieti, sulu sulu,
e cuminzau a parlari lu busciu ti lu culu:
"Penzu ca puru iu putia essiri capu,
percè tegnu na parti assà 'mportanti......"
"Statti cittu tui, bruttu mbucatu
e torna a postu tua 'tra li mutanti !!"
Du fruskulu, sintendu 'sti paroli,
ccuminzau nu sciopero a oltranza:
si chiutiu a rizzu, ttappatu a ceralacca
e dissi: "Mo' no fazzu chiù la cacca !.
Passara to tre giurni cu sta storia,
li parti ti lu cuerpu sta suffriunu,
lu cori cuminzau cu batti forti
lu fecutu si nvicinau quasi alla morti !
Li recchi no sintiunu chiù nienti,
lu nasu rifiatava ass'à fatica,
li pieti gonfi com'a nu palloni,
lu cannanoci tuestu com'a nu cipponi.
"Basta!! Cussì no si pò sceri annanti,
lu culu è vintu certu 'sta battaglia,
è inutili cu stamu qu'a parlari,
è iddu certu c'av'a cumandari.
MORALE
Eccu pircè, di quandu mundu è mundu,
è risaputu ca po' fa' lu capu,
po' dari ordini e poti cumandari.....
solamenti ci lu "STRUNZU" sapi fari.
GIAMPIERO MARTINESE
